首页
>
綜合
>
有信心出戰亞運 歐鎧淳：考慮游埋退役
香港女飛魚歐鎧淳到電台接受孟繁旭訪問，她透露最近教練轉新教法，因此需要較長時間練水：「依家練水多，今朝做Gym，下晝就游水，因為下年8月就係印尼亞運，諗吓會唔會游埋亞運退役。」她表示亞運未正式選人，但有信心可以參加，而退役就有很多不同意見，她說：「我諗住一步一步，之前都係咁，唔需要諗得太遠，最緊要睇2018年亞運自己游成點，當然想游得好，咁先有得揀繼續游定唔游。」
方向比男友清晰
問到男友胡子彤可有給予意見？歐鎧淳指對方首先加入娛樂圈：「佢一開始就決心要拍嘢，但打棒球對佢都好重要。其實每個退役運動員都好想返去做，但可能有好多困難，佢仲摸索緊方向。」她自言比男友清晰，因為自己沒有想演藝方面，只是有工作機會就去：「我以機會行先，唔係為咗演戲、唱歌，好明顯係訓練同游水先。」提到早前推出新書，她笑言好驚，所以沒問過銷量，但男友有買，並買了給家人。
問准教練先接Job
至於兼顧游水及演藝，她覺得很辛苦，而且拍攝時間很難就：「運動員如果想爭取好成績，除咗訓練，仲要休息，冇可能兩方面一齊做。要分時段，放假就可以做演藝工作。」她坦言每次做其他工作都有問准教練，因此沒有被投訴：「運動員同教練係一個個體，唔可以唔尊重教練。（有冇同教練鬧交？）冇，佢好醒，知我下一步諗咩，會話如果我想就去啦，咁我就會諗吓係咪真係得。」
東網體育同你追實體壇每個精彩時刻！
http://bit.ly/2ecTF2A
本文來源：http://hk.on.cc/hk/bkn/cnt/sport/20171019/bkn-20171019185311149-1019_00882_001.html
54
.png?x-oss-process=image/resize,p_100/format,webp)
熱門文章